Napoleon Bonapartın ordusunda xidmət edən əsgərlərlə bağlı yeni fakt aşkarlanıb.

Axar.az xarici mətbuata istinadən xəbər verir ki, Fransa ordusunda xidmət edən hərbçilərin Litva yaxınlığında aşkar edilən cəsədlərinin analizi zamanı onların acından öldüyü məlum olub.

ABŞ-ın Florida Universitetindəki arxeoloqların cəsədlər üzərində apardıqları araşdırmalar nəticəsində əsgərlərin çoxunun savaş zamanı deyil, aclıqdan öldüyü üzə çıxıb.

1812-ci ildə Rusiya ilə döyüşən 500 minlik Fransa ordusu 6 ay sonra məğlubiyyətə uğrayıb və geri çəkilib. Əsgərlər Litvadan geri çəkiləndə cəmi 40 min əsgər sağ qalıb.Onların əksəriyyəti hipotermiyadan və aclıqdan ölüb.