İran Silahlı Qüvvələrinin Baş Qərargah rəisinin müavini Həsən Firuzabadi Türkiyənin PKK və İŞİD-ə qarşı keçiridyi əməliyyatlara münasibət bildirib.

Axar.az xəbər verir ki, iranlı general Ankaranın apardığı əməliyyatları "strateji səhv" adlandırıb:

"Türkiyənin İŞİD terrorçularına qarşı əməliyyat adı altında təşkilata qarşı müqavimət göstərən kürd qruplarını hədəfə alması strateji səhvdir. Bu səhv terrorçuların Türkiyə sərhədinə çatmasını asanlaşdıracaq".

İŞİD-in bütün islam ölkələrində suveren güc olmaq istədiyini söyləyən Firuzabadi gec-tez bəzi ölkələrin bu qruplaşmalara tabe olacağını bildirib:

"Türkiyə, Səudiyyə Ərəbistanı və Qətər bu mövzuda istisna deyil. Təkfirçi terrorçu qruplara kömək etmək gec-tez bu ölkələrin də təhlükəsizliyini təhdid edəcək".