Rusiya ilə ABŞ arasında münasibətlərdə mövcud böhran Soyuq müharibədən daha təhlükəli ola bilər.

Axar.az xəbər verir ki, bunu Rusiya xarici işlər nazirinin müavini Sergey Ryabkov deyib.

"Bu gün Rusiya və ABŞ arasında ikitərəfli münasibətlərdə gördüyümüz hadisələr çox sərt və mürəkkəb böhran kimi təsvir edilə bilər. Bəlkə də o dərəcədə ki, Soyuq müharibə dövründə iki ölkənin keçdiyi pis vəziyyəti bəzi hallarda üstələyir. Bu, daha təhlükəli ola bilər, çünki o vaxt aydın çərçivələr və qaydalar var idi. İndi bütün bunlar ətrafında çox qeyri-müəyyənlik var. Bu, olduqca risklidir", - Ryabkov qeyd edib.