Türk ordusunun 24 iyuldan bu yana PKK-ya qarşı keçirdiyi hava əməliyyatları zamanı terror təşkilatının beş gizli silah anbarı vurulub.

Axar.az Türkiyənin "Sabah" qəzetinə istinadla xəbər verir ki, anbarlarda ABŞ-ın Kobanidəki (Suriyanın vilayəti) qarşıdurmalar zamanı İŞİD-lə vuruşmaq üçün PYD-yə verdiyi 24 tonluq silah-sursat olub. Lakin daha sonra PKK həmin silahların bir qismini PYD-dən alıb və gələcəkdə istifadə etmək üçün Şimali İraqdakı gizli anbarlarına yerləşdirib.

Anti-terror əməliyyatlarının başladığı günlərdə isə təşkilatın bəzi rəhbərləri Türkiyənin anbarların yerini bilmədiyini düşünərək burada gizlənib.

Lakin anbarların bombalanması zamanı silahlar məhv edilib və həmin şəxslər də öldürülüb.