Ukraynada radikal sağçı "Azov" taboru Kiyevin mərkəzində mitinqlərə start verib. Təşkilat üzvləri hərbi təlimlərdə istifadə etdikləri ATEK zavodunun Rusiyanın "KVV Group" firmasına satılmasına etiraz edir.

Axar.az xəbər verir ki, hərbçilər bu gün saat yerli vaxtla 09 radələrində Ukrayna Dövlət Xəzinə binasını mühasirəyə alıb. İşçilərin binaya daxil olmasına mane olan etirazçılar "istefa" şüarları səsləndirib. Daha sonra əllərində sarı-qara rəngli "Azov" bayraqları daşıyan aktivistlər yürüşlə etiraz aksiyasını davam etdiriblər.

Simvol olaraq II Dünya savaşı zamanı faşistlərin istifadə etdiyi "Volfsangel"i seçən azovlular neo-faşist dəstəkçisi olaraq tanınır. Onlar Ukraynanın şərqindəki qarşıdurmalara rəsmi Kiyev qüvvələri tərəfində qatılaraq, bir çox müharibə cinayəti törətməkdə günahlandırılır.