NATO Baş katibi Yens Stoltenberq idarə etdiyi təşkilatın hər zaman pərəstişkarı olmadığını etiraf edib.

Axar.az xəbər verir ki, o bu etirafını Norveçin UTO adasındakı solçu gənclərlə görüşü zamanı söyləyib. Stoltenberq gənclik illərində "NATO, Norveçdən rədd ol" mahnısını oxuduğunu bildirib:

"Bu bizim zamanımızda çox məşhur musiqi idi. Bacım Camilla marksist-leninist qrup olan "Qızıl gənclik" təşkilatının üzvü idi. Onunla birlikdə Vyetnam savaşına qarşı yürüyüşlərdə iştirak edirdik".

Qeyd edək ki, bundan öncə Stoltenberqin 1990-cı illərdə KQB agenti olan bir Sovet diplomatı ilə eşq məcarası yaşadığı da bəlli olmuşdu.