İran generalı Qasım Süleymani Moskvaya səfər etməyib.

Axar.az xəbər verir ki, bu barədə jurnalistlərə Rusiya Xarici İşlər nazirinin müavini Sergey Ryabkov deyib. O, bu məsələ barədə artıq ABŞ-a məlumat verdiklərini bildirib.

ABŞ Moskvanı BMT-nin Süleymani barədə qərarını pozmaqda günahlandırır. BMT Təhlükəsizlik Şurası generalın İranı tərk etməsinə qadağa qoyub. Qasım Süleymani 2005-ci ildə terrorizmi dəstəklədiyi üçün ABŞ-ın qara siyahısına salınıb.

Mətbuat Qasım Süleymaninin ötən həftə Moskvaya gizli səfər etdiyini, Müdafiə naziri Sergey Şoyqu və Prezident Vladimir Putinlə görüşdüyünü iddia etmişdi.