ABŞ-ın 29-cu prezidenti Uorren Hardinqin evlilikdən kənar doğulan övladı olduğu DNT testi ilə sübut edilib.

Axar.az xəbər verir ki, DNT testi prezidentin 90 ildir haqqında dolaşan söz-söhbətlərə son nöqtəni qoyub.

Amerika mediasında çıxan xəbərlərə görə, eks-prezidentin ailəsinə mənsub Dr. Piter Hardinqin cəhdi ilə "Ansenti" şirkətində aparılan DNT testi ilə ortalığa çıxan hadisə ilk dəfə Brittonun "Prezidentin qızı" adlı avtobioqrafiyasını 1927-ci ildə yayımlanması ilə gündəmə gəlib.

Britton kitabda Hardinqlə altı il boyu sevgili olduqlarını iddia edib. O vaxt Britton yalançılıqdan ittiham edilib, kitabda yazılanlar isə Hardinq ailəsi və cəmiyyət tərəfindən qəbul edilməyib.

Bəzi tarixçilər Hardinq-Britton münasibətini Bil Klinton-Monika Levinski münasibətinə bənzədirlər.

Hardinq 1921-23-cü ildə (ölümünə qədər) ABŞ prezidenti olub.