Türkiyənin 11-ci prezidenti Abdulla Gül bu həftə oğluna toy edəcək.

Strateq.az xəbər verir ki, toy mərasimi avqustun 22-də İstanbuldakı "WOW Otel"də baş tutacaq.

Gülün böyük oğlu Əhməd Münir Hacettepe Universitetinin Tibb fakültəsinin son kursunda oxuyan Zəhra Ayişə Karadərə ilə ailə qurur. Zəhra Ayişə kayserili iş adamı Abdullah Karadərənin qızıdır.

Cütlüyün toyunda nikah şahidləri Türkiyə Prezidenti Rəcəb Tayyib Ərdoğan və Baş nazir Əhməd Davudoğlu olacaq.

Toya xeyli sayda nazir və AKP-dən olan millət vəkilləri dəvət edilib. Mərasimə çoxlu sayda qonağın qatılacağı və bu səbəbdən təhlüksizlik tədbirlərinin ən yüksək həddə olacağı bildirilib.