Hindistanda polis məmurları rüşvət almaqda günahlandıran bir məmurun evində axtarışlar aparıb.

Axar.az xəbər verir ki, Qərbi Benqal ştatının Balli şəhərində rüşvət aldığı üçün həbs olunan məmurun evində aparılan axtarışlar zamanı 200 milyon rupi (3 milyon dollar) məbləğində nəğd pul tapılıb.

Gizlədilən pullar döşəmənin altından, şkafdan, yastıqlardan, kreslodan, vanna otağındakı su anbarından və komoddan aşkarlanıb.

Polis məmurları bütün pulu saymaq üçün 24 saat vaxt sərf edib. Evdə həmçinin 1,4 milyon rupi (21 min dollar) dəyərində ləl-cəvahirat aşkar edilib.

Qeyd edək ki, tutulan Pranab Adhikari bələdiyyədə baş mühəndis müavini işləyib və 25 il ərzində tikintiyə gizli icazə vermək qarşılığında rüşvət aldığı məlum olub.