2022.01.22 - 20:48

Almaniya Xarici İşlər Nazirliyi Ukraynadakı diplomatların ailələrini təxliyə etmək planı hazırlayır.

Axar.az xəbər verir ki, bu barədə ölkə mediası məlumat yayıb.

Qeyd olunub ki, Ukrayna ətrafında gərginlik artacağı təqdirdə bu ölkədəki diplomatların ailələri təxliyə ediləcək.

***

Almaniya Xarici İşlər Nazirliyi diplomatik korpusun ailələrinin Ukraynadan təxliyəsi ilə bağlı yayılan xəbərlərə münasibət bildirib.

XİN-dən verilən məlumatda sözügedən məsələ ilə bağlı hər hansı tədbir görülmədiyi, lakin vəziyyətin nəzarət altında olduğu vurğulanıb:

"Biz Ukraynadakı nümayəndəliklərimizin əməkdaşlarının təhlükəsizlik vəziyyətini yaxından izləyirik, həmçinin AB və beynəlxalq miqyasda tərəfdaşlarımızla sıx əlaqə saxlayırıq".

Qeyd edək ki, ABŞ da Ukraynadakı diplomatlarının ailəsinin təxliyəsi ilə bağlı məlumatı təkzib etmişdi.