Vaşinqton Rusiyanın İrana S-300-ləri verməsindən narahatdır.

Axar.az xəbər verir ki, bunu jurnalistlər üçün təşkil edilən brifinqdə ABŞ Dövlət Departamentinin rəsmi nümayəndəsi Con Kirbi söyləyib.

Onun sözlərinə görə, ABŞ artıq bu məsələ ilə bağlı mövqeyini bildirib:

"ABŞ Dövlət katibi Con Kerri artıq Vaşinqtonun narahatlığını Rusiya Xarici İşlər naziri Sergey Lavrova çatdırıb. Bizə bu müqavilə haqqında daha geniş məlumat lazımdır ki, onun Amerika sanksiyaları ilə zidd olub-olmadığını aydınlaşdıra bilək".

Qeyd edək ki, dünən İran Müdafiə Nazirliyi S-300 zenit raket komplekslərinin gələn həftə Rusiyadan alına biləcəyi haqqında informasiya yaymışdı.