Rusiya prezidentinin mətbuat katibi Dmitri Peskov Sardiniya sahillərində istirahət etməsi ilə bağlı yayılan xəbərləri təkzib edib.

Axar.az xəbər verir ki, Peskovun həyat yoldaşı Tatyana Navka Siciliyada olduqlarını sübut etmək üçün sosial şəbəkədə fotoşəkil paylaşıb. O, yayılan xəbərlərə münasibət bildirərək atalar sözünü sitat gətirib:

"Qədim bir söz var: qaranlıq otaqda qara pişiyi axtarma. Xüsusən, pişik orada yoxdursa, ümumiyyətlə, axtarma".

Fotoşəkildə Peskov və yoldaşının gecə saatlarında Siciliya adasında Taormina şəhərini seyr etdiyi əks olunub.

Xatırladaq ki, müxalif lider Aleksey Navalnı Peskov və yoldaşının "Maltese Falcon" adlı gəmidə Sardiniya sahillərində istirahət etdiyini açıqlamışdı.