Türkiyə Prezidenti Rəcəb Təyyub Ərdoğanın dollara investisiya qoyuluşundan əldə etdiyi qazancın miqdarı açıqlanıb.

Axar.az xəbər verir ki, 2014-cü il iyulun 1-də Mərkəzi Seçki Komisiyasına verdiyi hesabatda Ərdoğan 200 min dollar dəyərində gəlir göstərmişdi. Bu hesabla Türkiyə prezidenti bir ildə 167.200 türk lirəsi qazanc əldə edib.

Ötən il avqustun 28-də Ərdoğanın əmlakının elan edildiyi zaman dolların kursu 2,1660 lirə, ölkə başçısının "dollara investisiya qoyan yaya qalar" ifadəsini işlətdiyi zaman isə 1,6470 lirə olub.

Prezidentin türk lirəsində olan hesabı hazırda "Albaraka Türk" bankda saxlanılır.

Qeyd edək ki, bu gün türk lirəsi dollar qarşısında kəskin ucuzlaşıb və səhər saatlarında 1 dollar 3,002 lirəyə satılıb. Hazırda ölkədə dolların qiyməti 2,9641 lirədir.