Özbəkistan Prezidenti İslam Kərimovun qızı Gülnarə Kərimovanın İsveçrənin müxtəlif banklarında olan hesablarına həbs qoyulub.

Axar.az Baku.ws-ə istinadən xəbər verir ki, İsveçrə Federal Prokurorluğunun tələbi əsasında məhkəmənin qəbul etdiyi qərara görə, prezident qızının 800 milyon frank puluna əl qoyulub.

Kərimova çirkli pulları yumaq və korrupsiya əməliyyatlarına qarışmaq iddiası ilə üz-üzədir.

Kərimova haqqında, xüsusilə, Özbəkistanda telekommunikasiya tenderlərində korrupsiya əməlləri şübhəsilə bu qərar qəbul edilib.

Gülnarə Kərimovanın Cenevrədə Birləşmiş Millətlər Təşkilatında Özbəkistanın daimi nümayəndəsi olaraq çalışdığı üçün diplomatik toxunulmazlıq hüququ var.