Bir çox siyasi proseslərdə, xüsusilə də Ukrayna böhranında maraqları toqquşan iki supergüc mərkəzi - ABŞ və Rusiya yenidən gündəmi zəbt edib. Hər iki dövlətin siyasi, iqtisadi və hərbi gücü yenidən müqayisə edilməyə başlanılıb.

Axar.az açıq mənbələrə istinadən, iki ölkənin siyasi, iqtisadi və hərbi gücünə dair son məlumatları təqdim edir.

Ümumi ərazi

ABŞ-n ümumi ərazisi 9 milyon 833 min 520 kvadrat kilometr, Rusiyanın 17 milyon 75 min 400 kvadrat kilometrdir.

Əhali

ABŞ əhalisi 331 milyon, Rusiya əhalisi isə 146 milyondur.

Dövlət büdcəsi

ABŞ-ın dövlət büdcəsi ümumilikdə 7 trilyona yaxındır, Rusiyanın isə 293 milyard dollardır.

İllik ümumi daxili məhsul

ABŞ-ın illik ümumi daxili məhsulu 23 trilyon dollar, Rusiyada isə 1,7 trilyon dollardır.

Hərbi xərclər

ABŞ-ın hərbi xərcləri 778 milyard dollar, Rusiyanın isə 61.7 milyard dollar təşkil edir.

Hərbi gücü

ABŞ: şəxsi heyətin sayı 2 milyon 260 mindən çox, Hərbi Hava Qüvvələri - 13 min 264 (təyyarə+PUA + helikopter), təyyarə - 2085, tank - 6289, hərbi gəmilərinin ümumi sayı 490-dır.

Rusiya: şəxsi heyətin sayı 1,7 milyon, Hərbi Hava Qüvvələri - 4 min 163 (təyyarə+PUA+helikopter), təyyarə - 873, döyüş tankı - 12950, gəmilərin sayı 603-dür.

Qeyd edək ki, hər iki ölkə böyük nüvə dövlətidir.