Şimali Qafqaz Hərbi Məhkəməsi Krımda terror aktlarının hazırlanmasında ittiham olunan ukraynalı rejissor Oleq Sentsova hökm oxuyub. Məhkəmənin qərarına əsasən, Oleq Sentsov 20 il azadlıqdan məhrum edilib.

Axar.az xəbər verir ki, məhkəmənin qərarından dərhal sonra Ukrayna Prezidenti Pyotr Poroşenko bu qərarı pisləyib.

Xatırladaq ki, ötən həftə iş üzrə yekun nitqlə çıxış edən prokuror Sentsova 23 illik həbs cəzası istəyib. İttiham tərəfi həmçinin solçu fəal Aleksandr Kolçenkonun 12 il müddətinə azadlıqdan məhrum edilməsini tələb edib. Məhkəmə Kolçenkoya 10 il iş kəsib. Hər iki şəxs Krımın ilhaqından sonra Simferopolda yerləşən rusiyatəmayüllü "Krımın rus icması" və "Vahid Rusiya" partiyasının ofislərinə od vurmaqda ittiham edilirlər.