Fransa hökumətinin spikeri Stefan Le Foll Parisin "Mistral" gəmiləri üçün Rusiyaya 1 milyar dollar təzminat ödəyəcəyini açıqlayıb.

Axar.az xəbər verir ki, Fransa rəsmisi Rusiyaya bu məbləğdən çox ödəniş edilməyəcəyini deyib:

"Rusiyaya ən yaxşı halda 1 milyard dollar ödəyə bilərik. Dəqiq rəqəmi parlament açıqlayacaq. Qaytaracağımız başqa məbləğ yoxdur. Lakin razılığın ləğv edilməsi Fransa büdcəsinə zərər vura bilər. Bu səbəbdən denonsasiya parlament tərəfindən araşdırılmalıdır. Belə olan halda gəmilərin mülkiyyət hüququ tamamilə Fransaya keçəcək və alıcı tapılması üçün danışıqlar reallaşacaq. Hazırda ilkin danışıqlar icra olunur".

Xatırladaq ki, az öncə Fransanın "Mistral" gəmilərinin satışından son anda imtina etdiyi üçün Rusiyaya 1,2 milyard ödəyəcəyi barədə xəbərlər yayılmışdı.