Rusiya Prezidenti Vladimir Putinin ekstremal idman növlərinə marağı bütün dünyaya məlumdur. Bu dəfə isə Rusiya Xarici İşlər naziri Sergey Lavrovun raftinq sürdüyü yerdə çəkilən videosunun yayılması böyük marağa səbəb olub.

Axar.az xəbər verir ki, güclü raftinq həvəskarı olan və 2007-2009-cu illər arasında Raftinq Federasiyasının prezidenti olan Lavrov bu idman növü üzrə milli komandanın məşq sahəsinin yerləşdiyi Okulovka mərkəzində raftinqlə məşğul olub. Nijni Novqorod bölgəsindən keçən Peretna çayında raftinq qayığına oturan Lavrov 8 nəfərlik heyətlə 600 metr uzunluqdakı parkuru 7 dəqiqəyə tamamlayıb.

Nazir bir müddət əvvəl Finlandiyaya səfəri vaxtı raftinqi diplomatiyaya bənzətmişdi:

"Həm diplomatiyada, həm də raftinqdə uğur ancaq hamının bir-biri ilə uyğun avar çəkdiyi və yaxşı koordinasiya edilmiş bir komanda işi ilə mümkündür. Biri eqoist davranıb tərəfdaşlarından üstün görünməyə cəhd edərsə, qayıq tərsinə çevrilər".