"Əl Cəzirə" televiziyasının 3 əməkdaşına verilən həbs qərarını tənqid edən İngiltərənin Qahirədəki səfiri Con Kasson Xarici İşlər Nazirliyinə çağırılıb.

Axar.az xəbər verir ki, Misir xarici siyasət idarəsinin yaydığı bəyanatda heç bir qüvvənin Misir məhkəməsinin çıxardığı qərarı aşağılamaq səlahiyyətində olmadığı bildirilib və diplomata xəbərdarlıq edilib.

Xatırladaq ki, televiziya əməkdaşları 2013-cü ilin dekabrında "Müsəlman qardaşlarını" təbliğ etməkdə günahlandırılaraq həbs olunublar. Dünən məhkəmənin çıxardığı hökmə əsasən jurnalistlər 3 il azadlıqdan məhrum edilib. Bu hadisədən sonra Con Kasson jurnalistlərin həbs edilməsini sərt tənqid etmişdi.