Fələstin lideri Yasir Ərafatın zəhərlənərək öldürüldüyü iddiasıyla açılan istintaq dəlil olmadığına görə xətm edilib.

Axar.az xəbər verir ki, bunu Fələstin liderinin həyat yoldaşı Suha Ərəfatın vəkili Fransis Spiner deyib. Onun sözləriə görə, cinayət işini araşdıran Nant Prokurorluğu xətm barədə qərar çıxarıb.

Xatırladaq ki, 2004-cü ilin noyabrında 75 yaşında Parisdə vəfat edəndə Ərəfatın İsraildə zəhərləndiyi iddia edilir. Bu hadisədən sonra Suha Ərəfat həyat yoldaşının şəxsiyyəti naməlum şəxslər tərəfindən öldürüldüyü iddiası ilə 2012-ci ildə Parisdə prokurorluğa müraciət etmişdi. Prokurorluq isə Ərəfatın Ramallahdakı məzarının açılmasına və istintaqın təkrar aparılmasına qərar vermişdi.

İstintaq zamanı meyitdən götürülən nümunələr İsveçrə, Rusiya və Fransada fərqli ekpertlər tərəfindən araşdırıldı. İsveçrəli mütəxəssislərin hazırladığı hesabatda meyitdə normal miqdardan 18 dəfə çox polonium maddəsi aşkarlandığı bildirilsə də, rusiyalı və fransız ekspertlər bunu inkar etdilər.