Ukraynaya hərbi təcavüz Rusiya iqtisadiyyatını ilk rübdə dörd il geri saldı və tarixdə ən uzun tənəzzüllərdən birinə səbəb oldu.

Axar.az xəbər verir ki, bu barədə “Blumberq” məlumat yayıb.

“2022-ci ilin əvvəlində təcil qazanan Rusiya iqtisadiyyatı ikinci rübdə daralmağa başladı. ÜDM bir il ərzində ilk dəfə illik 4,7% azalıb. Müharibə səbəbiylə beynəlxalq sanksiyalar ticarəti pozdu və avtomobil sənayesi kimi sənayeləri iflic vəziyyətinə saldı, istehlak xərcləri isə aşağı düşdü. İqtisadiyyatda tənəzzül hələ şiddətli olmasa da, Mərkəzi Bank tənəzzülün qarşıdakı rüblərdə daha da dərinləşəcəyini proqnozlaşdırır və gələn ilin ikinci yarısına qədər bərpa gözləmir”, - məlumatda deyilib.