Avqustun 12-də Monteneqro hökuməti rusiyalı diplomatı arzuolunmaz şəxs elan edib. Bu addımı haqlı çıxarmağa yönələn bəyanatlar çıxışın əsassız və məntiqsiz olduğunu ortaya qoyub.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

"Monteneqro hakimiyyətinin bu addımını Qərbin və onun peyklərinin Rusiyaya qarşı başlatdığı hibrid kampaniyanın bir hissəsi kimi qiymətləndiririk. Biz bunu Podqoritsanın özünün milli maraqlarına, eləcə də beynəlxalq təhlükəsizlik və əməkdaşlığa ziyan vurmaqla, destruktiv xətt yürütmək siyasətindən uzaqlaşmaq istəməməsi və bacarmaması kimi qiymətləndiririk. Qisas hüququnu özümüzdə saxlayırıq”, - Zaxarova bildirib.