Ana səhifə Planet |
2022.08.20 - 22:00
Türkiyənin Mardin vilayətində zəncirvari avtomobil qəzası baş verib.
Axar.az xəbər verir ki, hadisə şəhərin Derik rayonunda yerləşən yanacaqdoldurma stansiyası yaxınlığında olub
İlkin məlumata əsasən, hadisə nəticəsində səkkiz nəfər ölüb, çox sayda yaralı var.
Əyləcində nasazlıq yaranan qoşqulu yük maşını iki avtomobillə toqquşduqdan sonra aşıb. Digər bir yük maşını isə hadisə zamanı xəsarət alanlara ilkin yardım göstərən tibb işçiləri və vətəndaşları vurub.
Bölgəyə çox sayda təcili tibbi yardım briqadası cəlb olunub.
***
Derik rayonunda baş verən ağır yol qəzasında ölənlərin sayı 16 nəfərə çatıb.
Bu barədə Türkiyənin səhiyyə naziri Fəxrəddin Qoca Tvitter hesabında bildirib.
O qeyd edib ki, xəsarət alan 29 nəfərdən 8-nin vəziyyəti ağırdır.
***
Türkiyə daxili işlər naziri Süleyman Soylu Prezident Rəcəb Tayyib Ərdoğanın göstərişi ilə Mardində baş verən yol qəzası ilə əlaqədar bölgəyə gedib.
Qeyd edək ki, yol qəzasında ölənlərin sayı 19-a çatıb.
Tarix
2022.08.21 / 00:39
|
Müəllif
Axar.az
|