Türkiyə Prezidenti Rəcəb Tayyib Ərdoğan Fransaya rəsmi səfərindən əvvəl medianın suallarını cavablandırıb.

Axar.az xəbər verir ki, Prezident Rusiyanın Suriyanı bombalamasına da münasibət bildirib. O, bu hücumların qəbuledilməz olduğunu və bunu Putinə də dediyini qeyd edib:

"Rusiya ciddi səhvə yol verir. Bu addım nəticəsində o, bölgədə tamamilə tək qala bilər. Türkiyəyə rəğmən, onun belə bir addım atması bizi narahat edir".

Xatırladaq ki, Rusiya Federasiya Şurası ordunun xarici ölkələrdə fəaliyyəti haqqında qərar qəbul edib. Bunun ardınca isə Əsəd Moskvadan Suriyaya hərbi dəstək verməsini istəyib və nəticədə Rusiya Suriya ərazisində İŞİD-ə aviazərbələr endirib.