Əsəd rejimi mücahidlərin zəfərləri nəticəsində süqutunu yaşamaqdadır.

Axar.az-ın məlumatına görə, bu açıqlama ilə Nüsrə Cəbhəsinin lideri Məhəmməd Fatih əl Cevlani çıxış edib.

Furkan Azəri ləqəbli jurnalist təşkilat rəhbərinin səs yazısının yayıldığını xəbər verib. Bəyanatda Cevlani İran və Hizbullahın Əsəd iqtidarına dəstəyinin boşa çıxdığını hesab edir:

"Əsəd rejimi üçün Lazkiya, Dəməşq şəhərləri belə artıq təhlükəsiz deyil. Rusiya isə Ukrayna siyasətini unutdurmaq və Qərbə təzyiq etmək üçün Suriyaya hücumdan ayrı yol görmədi. Eyni zamanda 30 ildən çoxdur itirdiyi imicini Suriyada bərpa etməyə çalışır".

Nüsrə lideri bəyan edib ki, "İslam dövləti" Əsəd hakimiyyətini təhdid etmir:

"İŞİD-in əlində olan ərazilər rejimlə sərhəd deyil. Kremlin bura girməsi Əsəd, İran və Hizbullahlın məğlubiyyətini göstərir".

Qeyd edək ki, Suriyada 2011-ci ildən başlayan müharibədə müxtəlif terror təşkilatları iştirak edir.