Ukraynada Malayziya təyyarəsi Rusiyaya məxsus Buk-M2 raketi ilə vurulub.

Axar.az xəbər verir ki, Hollandiya Təhlükəsizlik Araşdırma Şurasının apardığı araşdırmanın nəticəsi bəlli olub.

Amsterdamdan Kuala-Lumpura gedən Boinq-777 tipli təyyarənin vurulması ilə bağlı aparılan araşdırmada ABŞ, İngiltərə, Malayziya, Avstraliya, Rusiya və Ukraynadan olan mütəxəssislər iştirak edib.

Qilze-Rijen hava limanında məsələ ilə bağlı mətbuat konfransı keçirilib və mütəxəssislərin hazırladığı yekun hesabatda təyyarənin Buk-M2 raketi ilə vurulduğu bildirilib.

Qeyd edək ki, Malayziya hava yollarına aid MH-17 təyyarəsi 2014-cü il iyulun 17-də Ukraynın şərqində yerləşən Donetsk vilayətində qəzaya uğramışdı. Qəza nəticəsində 298 nəfər həyatını itirimişdi. Həlak olanlardan 196 nəfəri Hollandiya vətəndaşı idi. Hollandiya Təhlükəsizlik Araşdırma Birliyi və Ukrayna tərəfi təyyarənin vurulduğunu iddia edir. Ehtimal olunur ki, sərnişin təyyarəsi Rusiyanın separatçılara verdiyi zenit qurğusu ilə vurulub. Rusiya bu iddiaları rədd edir.