İran Xarici İşlər Nazirliyinin sözçüsü Nasir Kənani ölkəsindəki etirazlara təhlükəsizlik qüvvələrinin müdaxiləsini pisləyən ABŞ-ı ikiüzlülükdə ittiham edib.

Axar.az xəbər verir ki, bu barədə Kənani İnstaqram hesabında məlumat paylaşıb.

“İllərdir dünyada hər kəs Fələstində, Əfqanıstanda, İraqda, Yəməndə, Liviyada, Suriyada, hətta Amerikanın öz torpaqlarında da insan haqları sahəsində ABŞ-ın əsl və maskasız üzünü görüb.

Cənab Co Bayden insan haqları müdafiəçisi olmamışdan əvvəl öz ölkəsinin bu məsələ ilə bağlı halını düşünsəydi, daha yaxşı olardı”, - paylaşımda qeyd edilib.