İsrail Fələstin uşaqları və yeniyetmələrinin qatilidir.

Axar.az xəbər verir ki, bunu Fələstin Milli Administrasiyasının rəhbəri Mahmud Abbas xalqa müraciətində deyib. Onun sözlərinə görə, Fələstin xalqı Oslo razılaşmasının əsirinə çevrilmək niyyətində deyil:

"Biz öz mübarizəmizi davam etdirəcəyik. İsrailə qarşı savaşda məhkəmələrin yardımından da istifadə edəcəyik. Hazırkı situasiya dini savaşa gətirib çıxaracaq. Bu, nəinki regionda, həm də bütün dünyada qüvvələrin bölünməsinə səbəb olacaq. Fələstin heç bir zaman Əqsa məscidinin status-kvosunun dəyişməsinə izn verməyəcək".

Qeyd edək ki, son günlər İsrail və Fələstinin toqquşmaları nəticəsində 39 fələstinli həlak olub, 2000 nəfər yaralanıb. İsrail tərəfdən isə 83 nəfər xəsarət alıb.