ABŞ-ın Harvard Universitetinin mütəxəssisləri Hitlerin SSRİ tərəfindən 1945-ci ildə ələ keçirilən və saxlanan kəllə sümüyü üzərində apardıqları araşdırmanın nəticəsini açıqlayıblar.

Axar.az "Sabah"a istinadən xəbər verir ki, antropoloqlar Hitlerin kişi yox, əslində qadın olduğu qənaətinə gəliblər.

"Connecticut Universitetinin 2009-cu ildə apardığı genetik araşdırma da eyni nəticəni vermişdi. Lakin biz bunu qəbul edə bilməmişdik. Hitler belə bir şeyi (qadın olmasını) insanlardan uzun müddət necə gizlədə bilərdi", - Harvardın antropoloqu Hans Verner deyib.

Araşdırmanın ən müasir texnologiyalarla aparıldığı bildirilib.

Hitlerin qadın olduğunu 1976-ci ildə isveçrəli yazar-tarixçi Abraham Zerliq "Hitlerin arxasındakı qadın" (Die Frau Hinter Hitler) adlı kitabında da iddia edib:

"1970-ci illərdə Qərbi Berlin Universitetində çalışan zaman Hitlerin tibbi anketini əldə etmişdim. Hitlerin şəxsi həkimi Helmut Lang sənədlərdə Hitlerin qadın olduğuna inandığını deyirdi".

Qeyd edək ki, Harvardın araşdırması və Zerliqin mövzu ilə bağlı çıxışlarından bəhs edən "Hunting Hitler" adlı sənədli film gələn ay "History Channel" kanalında nümayiş olunacaq.