Gürcüstan heç vaxt öz ərazilərinin işğalı ilə barışmayacaq.

Axar.az xəbər verir ki, bunu Gürcüstanın Baş naziri İrakli Qaribaşvili jurnalistlərə açıqlamasında söyləyib.

Onun sözlərinə görə, Gürcüstan ərazi bütövlüyünü qorumaq üçün ağıllı və praqmatik siyasət həyata keçirməlidir. Qaribaşvili Tiflisin heç vaxt işğal altındakı ərazilərindən əl çəkməyəcəyini bildirib.

Qeyd edək ki, 2008-ci il savaşından sonra Cənubi Osetiya Gürcüstandan ayrılıb. Hazırda həm Cənubi Osetiya, həm Abxaziya qondarma rejimlərinin müstəqilliyi Rusiya tərəfindən tanınıb. Moskva hər iki qondarma rejimlə müttəfiqlik haqqında müqavilə imzalayıb.