Georgi Marqvelaşvili prezident olduqdan sonra xeyli dəyişib.

Axar.az xəbər verir ki, bu sözləri gürcü milyarder Bidzina İvanişvili söyləyib.

Onun sözlərinə görə, seçkidən əvvəl xalq və dövlət haqda düşünən Marqvelaşvili, indi tamam başqa şeylər haqda fikirləşir:

"Marqvelaşvili seçkiyə qədər mənə şərt qoymuşdu ki, avtomobillə hərəkət etməyəcək, heç bir mühafizəçisi olmayacaq. O bununla xalqa daha yaxın olmaq istəyirdi. Bizim aramızda mübahisəyə səbəb mənim ona bir daha zəng etməyini istəməməyim olmamışdı.

Əsas mübahisə Bobokvati malikanəsi üzərində baş tutmuşdu. O bu malikanəni istəyirdi. Mən ona etiraz etdim. Marqvelaşvili isə cavabında demişdi ki, "neyləyim Bidzina, mən 6 malikanə satmışam".

Mən isə cavabımda ona söylədim ki, bunları nə sən satmısan, nə də ki babandan yadigar qalıb. Marqvelaşvili hazırda mənlə yox, özünün prezidentlikdən əvvəlki halı ilə savaşır. Kimin harada olacağına hökumət qərar verir".