PKK-ya qarşı əməliyyatlara başlamadan öncə İŞİD-ə qarşı mübarizəyə başladıq.

Axar.az xəbər verir ki, bu sözləri Türkiyənin Baş naziri Əhməd Davudoğlu AKP iqtidarının İŞİD-ə dəstək verməsi ilə bağlı yayılan ittihamlara münasibət bildirərkən deyib.

Üsküdarda tələbələrlə görüşən baş nazir bildirib ki, İŞİD-in islamla heç bir əlaqəsi yoxdur:

"İndi mənə baxın. Məndə İŞİD-i dəstəkləyəcək üz varmı? Bizim təmsil etdiyimiz islam İŞİD-ə qarşıdır. İŞİD-i yox edəcək islam odur. PKK-ya qarşı əməliyyatlara başlamadan öncə İŞİD-ə qarşı mübarizəyə başladıq. Səhərlər erkən çalan telefon zəngi məni narahat edir. Gecələr yuxumun ərşə çəkilmədiyi gün olmayıb. Ümumiyyətlə, Daxili İşlər Nazirliyindən zəng gələndə o anda insanın ağlına min fikir gəlir. İnsanların çəkdiyi acını da çox yaxşı anlayıram. Mənim iki xəstə qardaşım oğlu var idi. İkisi də vəfat etdi. Hələ də gözümün önündədir. Bacımın və yeznəmin yaşadığı imtahanı da çox yaxşı bilirəm. 7 yaşından 20 yaşına qədər tamamilə yatağa məhkum oldular. Bacımın on illərlə istirahət etmədiyini görmüşəm. İndi isə o əlillərə qayğı göstəririk. Analar, atalar bir az nəfəs ala bilir. Bəzən deyirəm, kaş anam yaşayaydı, ayağını yenə mən yuyaydım. Evdə nənələriniz varsa, onlara kömək edin".