İran Amerikan fəst-fud şəbəkələrinə müqavilə imzalamadan ölkədə fəaliyyət üçün icazə verib.

Axar.az xəbər verir ki, bu barədə məlumatı İranın Tasnim Xəbər Agentliyi yayıb. Agentliyin yaydığı sənədlərdə İran hökumətinin Kentuçi Frayd Çikenə (Kentuky Fried Chicken - KFC) mayın 10-da "İranlı halal KFC" adı ilə şöbə açma icazəsi verdiyi qeyd edilib.

İranın keçən il dekabr ayında yayılan sənədlərdə isə digər Amerikan fəst-fud şəbəkəsi "Burqer Kinq"ə də ölkədə fəaliyyət göstərə biləcək şirkətlər arasında yer verdiyi göstərilmişdi.

Xatırladaq ki, İran 1979-ci ildəki inqilabdan bu yana "Qərb mədəniyyəti ixrac edən şirkətlərin" ölkədə fəaliyyət göstərməsinə icazə vermirdi. İnqilabdan 36 il sonra verilən bu icazələrə rəğmən, iki şirkətin də İranda şöbəsi yoxdur.