Nyu Yorkda yaşayan Zaq Lansberq Utah ştatının şimal qərbindəki Box Elder qəsəbəsindən aldığı ərazidə simvolik dövlət qurub.

Axar.az xəbər verir ki, sarı-qırmızı bayrağı, pasportu, hətta bir robot tərəfindən idarə edilən Zaqistan adında dövlətin qurucusu Zaq Lansberq bu addımını ABŞ-a üsyanı kimi əsaslandırıb:

"Gerçək bir ölkə qurmağın mümkünsüz olduğunu bilirəm. Ancaq bu simvolik dövlət qasırğa fəlakətləri və terror hadisələri qarşısında müvəffəqiyyətsiz olan ABŞ-ın idarəçiliyinə üsyanın göstəricisidir".

Qeyd etmək lazımdır ki, Lansberq "heçdən qurulan dövlət"ini 10 il əvvəl 610 dollara eBay-dan aldığı quraq ərazidə qurub. Bu "ölkə"nin vətəndaşı olmaq üçün 40 dollar vergi ödəmək lazımdır.