Kevin Makkarti ABŞ Konqresinin Nümayəndələr Palatasının (Aşağı Palata) yeni sədri seçilib.

Axar.az xəbər verir ki, məlumatı ABŞ mediası yayıb.

ABŞ-ın Kaloforniya ştatını təmsil edən Respublikaçılar Partiyasının nümayəndəsi Kevin Makkarti bu postda erməni lobbisinin istəklərinin qatı müdafiəçisi Nensi Pelosini əvəzləyəcək.

K.Makkartinin Azərbaycan, Türkiyə və Ermənistana münasibətdə loyal və tərəfsiz mövqedə olduğu bildirilir.

Qeyd edək ki, ABŞ Konqresinin Nümayəndələr Palatasının 118-ci çağırışına dörd gündür yeni sədr seçilə bilmirdi. Nəhayət, K.Makkarti 15-ci cəhddə 216 səs toplayaraq bu posta yiyələnməyə nail olub.

Xatırladaq ki, Kevin Ouen Makkarti 1965-ci il yanvarın 26-da Kaliforniya ştatının Beykersfild şəhərində anadan olub. O, 2019-cu ildən ABŞ Nümayəndələr Palatasında azlığın lideridir. Respublikaçılar Partiyasının üzvü əvvəllər, 2014-2019-cu illərdə Nümayəndələr Palatasında çoxluğun lideri olub.