Rusiya Hava Qüvvələri komandanı Viktor Bondarev oktyabrın əvvəllərində döyüş təyyarələrinin Türkiyə hava sahəsinin pozmasına münasibət bildirib.

Axar.az xəbər verir ki, "Komsomolskaya Pravda" qəzetinə danışan general-polkovnik döyüş təyyarələrinin hava hücumundan müdafiə sistemindən yayınmaq üçün manevr etdiyini, buna görə Türkiyə hava sahəsinə girmək məcburiyyətində qaldığını deyib.

"Döyüş təyyarəmiz Suriyanın şimalında olduqca buludlu bir hava şəraitində əməliyyat aparırdı. Təyyarə Türkiyə sərhədi yaxınlığından keçərkən hava hücumundan müdafiə sitemləri reaktivimizi hədəfə aldı. Həmin anda pilot Türkiyə hava fəzasına girmək məcburiyyətində qaldı. Biz də hadisə ilə bağlı məlumat verdik", - deyə Bondarev bildirib.