2023.01.14. 19:24

Rusiya hərbçiləri Dneprdə yaşayış binasına raket zərbəsi endirib. Dinc sakinlər dağıntılar altında qalıb.

Axar.az xəbər verir ki, bu barədə Ukrayna Prezident Ofisi rəhbərinin müavini Kirill Timoşenko Teleqram səhifəsində yazıb.

“Sadəcə, vəhşilikdir, binanın ən azı bir bloku yoxdur, dağıntılar altında istirahət günü evində olan insanlar var", - deyə Timoşenko yazır.

Fövqəladə Hallar Dövlət Xidməti və digər şəhər xidmətləri artıq hadisə yerində işləyirlər.

***

Dnepr şəhərində irimiqyaslı hücum nəticəsində 5 nəfər ölüb, 40-dan çox insan isə yaralanıb.

Bununla yanaşı, ərazidə 15 avtomobil yanıb, onlarla mənzilə ciddi ziyan dəyib.

Hadisə yerinə 230-dan çox xilasedici və 67 texnika cəlb olunub.

***

Çoxmənzilli yaşayış binasına raket zərbəsi nəticəsində ölənlərin sayı 9-a, yaralananların sayı 60 nəfərə çatıb. Yaralılardan 12-i uşaqdır. Xilasetmək əməliyyatı davam etdirilir.

***

"Rusiya raketi 12 günahsız insanı həyatdan apardı", - deyə Dneprpetrovsk hərbi administrasiyasının rəhbəri Valentin Rezniçenko bildirib.