Ana səhifə Planet |
Nyu York Ştatının prokurorluğu "EksonMobil" neft-qaz şirkətinin fəaliyyətinin araşdırılmasına başlayıb.
Axar.az xəbər verir ki, bu barədə informasiyanı "Nyu York Tayms" qəzeti yayıb. Prokurorluq şirkətin cəmiyyəti qlobal istiləşmə təhlükəsi və bunun investorların neft biznesinə zərər verəcəyi ilə bağlı araşdırmalarının yalan olub-olmamasını yoxlayacaq. Əsas araşdırma kompaniyanın 1970-ci illərin sonundakı fəaliyyəti olacaq. Məhz həmin dövrdə şirkət iqlimlə bağlı elmi tədqiqatları maliyyələşdirirdi.
"EksonMobil" isə prokurorluğun iddialarını rədd edir. Şirkət açıqlamasında indiyə qədər iqlim dəyişikliyi ilə bağlı yalnız elmi fəaliyyətin nəticələrini təqdim etdiklərini bildirib.
Qeyd edək ki, "EksonMobil" məşhur Rokfellerlər ailəsinə məxsusdur. Bu ailə dünyanın ən böyük neft maqnatları sırasında yer alır. Bəzi tədqiqatçılar isə bu ailənin dünyadakı əsas proseslərə təsir etdiyini iddia edirlər. Rokfellerlər keçən il rəsmən özlərinin neft aktivlərindən imtina etdiklərini və bütün sərmayələrini ekoloji cəhətdən təmiz enerjiyə qoymaq niyyətində olduqlarını bildirmişdilər.
Tarix
2015.11.06 / 13:24
|
Müəllif
İlkin Həsənov
|