Rusiyaya məxsus S-300 PMU-1 və ya S-300 PMU-2 zenit raket kompleksləri ilin sonuna qədər İrana gətiriləcək.

Axar.az xəbər verir ki, bunu İranın Müdafiə naziri Hüseyn Dehqan deyib.

O bildirib ki, rus ekspertlər iranlı mütəxəssislərə raket kompleksləri ilə bağlı təlimlər keçirlər.

Bundan əlavə, Tehran Strateji Araşdırmalar Mərkəzinin Avrasiya bölgəsi üzrə rəhbəri Mahmud Şuri qeyd edib ki, İran hökuməti bu razılaşmanın detallarını gizli saxlayır:

"Hər iki tərəf müzakirələrin son mərhələsindədir. Bu mövzuda hər hansı yanlış məlumat razılaşmaya xələl gətirə bilər. Rusiya tərəfi də şərh verməyə tələsmir. Hər bir şeyin öz növbəsini gözləyir".