İraq sərhədində yerləşən Əl Havl rayonunu İŞİD-in işğalından azad etmişik.

Axar.az xəbər verir ki, bunu Suriya Demokratik Qüvvələrinin nümayəndəsi Civan Cəlil deyib.

O bildirib ki, sonrakı hədəf Şəddadi rayonudur:

"Koalisiya qüvvələrinin dəstəyi ilə şiddətli döyüşlərdən sonra Əl Havl rayonunu ələ keçirə bildik. Hazırda həmin ərazini minalardan təmizləyirik. Bu rayonun alınması bizdə böyük ruh yüksəkliyi yaratdı. Daha sonra Suriya Demokratik Qüvvələri Şəddadi rayonu istiqamətində hücuma keçəcək".

Qeyd edək ki, 13 təşkilatın birləşməsindən yaranan Suriya Demokratik Qüvvələri uzun müddətdir ki, İŞİD-ə qarşı mübarizə aparır.

Sözügedən qüvvələr Əl Havl və Şəddadi rayonlarını geri almaq üçün 2 həftədir ki, döyüşür.