İŞİD dəhşətli kiber-hücumlar planlaşdırır.

Axar.az xəbər verir ki, bunu İngiltərə Maliyyə naziri Corc Osborn deyib.

O vurğulayıb ki, terrorçu hakerlər ölkənin elektrik, hava nəqliyyatı və xəstəxanalarının rabitə sistemlərinə nəzarəti ələ keçirərsə, ölüm halları baş verə bilər.

"İŞİD dünya texnologiyasına da ciddi təhlükə yaradır. İngiltərə kiber-hücumlar ilə mübarizə aparmaq üçün 2 dəfə çox maliyyə ayırıb", - deyə Osborn qeyd edib.

Xatırladaq ki, İngiltərə Baş naziri Devid Kemeron Parisdəki terror hücumlarından sonra kəşfiyyata ayıracağı büdcənin 2020-ci ilə qədər 1 milyard 900 milyon fund-sterlinqə qədər artırılacağını bəyan etmişdi.