15-16 noyabr tarixlərində Türkiyənin Antalya şəhərində təşkil olunan G20 zirvəsində iştirak edən liderlər təhlükəsizlik səbəbindən fərqli otellərdə qalıb.

Axar.az xəbər verir ki, Almaniya kansleri Angela Merkel sadə otaqda qalmağa üstünlük verib. Xanım siyasətçi otağındakı qızılı mebellərdən imtina edib. O, daha sadə və rahat kreslo istəyib.

ABŞ Prezidenti Barak Obamanın otağı güllə keçirməyən şüşələr ilə qorunduğu halda Merkel naharı belə otağında yeməyib. Alman siyasətçi otelin açıq bufetinə enərək nahar etməyi üstün tutub.

Merkelin istifadə etdiyi yeganə xüsusi əşya adının yazıldığı hamam xalatı olub. Lakin Merkel oteldən ayrılarkən onu da qaldığı otaqda buraxıb.