Bu əsrin ən böyük almazı tapılıb.

Axar.az xəbər verir ki, "Lukara Diamond" şirkətinin 1111 karat həcmində aşkarladığı dəyərindəki daş 1905-ci ildə Cənubi Afrikada tapılan 3106 karatlıq "Cullinan" almazından sonra kəşf edilən ikinci ən böyük almazdır.

Təxminən tennis topu böyüklüyündə olan almazı kəşf edən şirkət onu Botsvanada tapdığını bildirib. Sözügedən almazın eni 6.5 sm, uzunluğu 5.6 sm, hündürlüyü isə 4 sm-dir.

Onu da qeyd edək ki, bir neçə gün əvvəl 12.03 karatlıq mavi rəngdə olan "Mavi ay" adlı almaz 48,5 milyon dollara, 24.78 karat ölçüdə, çəhrayı rəngdə olan və "Çəhrayı Jozefina" adlandırılan digər bir almaz isə 46 milyona satılıb.

Hər iki daşı Honkonqdan olan adı açıqlanmayan bir şəxs alıb.