Rusiyanın Ukraynaya qarşı aqressiyası sadəcə Avropaya qarşı hibrid müharibəsinin başlanğıcıdır.

Axar.az xəbər verir ki, bu sözlər Ukraynanın Milli Təhlükəsizlik və Müdafiə Şurasının sədri Aleksandr Turçinovun Ukrayna mətbuatında dərc edilən məqaləsində yer alıb. Onun sözlərinə görə, Paris teraktı adi hadisə deyildi:

"Bu hadisə Avropaya qarşı başladılan hibrid müharibəsi çərçivəsində planlaşdırılmışdı. Krım və Ukrayna yalnız başlanğıc idi. Bu, kollektiv təhlükəsizlik sistemini qırmağın, Avropanın sərhədlərini dağıtmağın, regionda qüvvələr paritetini dəyişməyin başlanğıcı idi. İndi isə Rusiyanın inkişaf etdirdiyi hibrid müharibəsi Avropanı didik-didik etməyə başlayacaq. Rusiyanın bombardmanları Suriyadan idarə edilə bilməyən miqrant axınının Avropa Birliyinə yönəlməsinə səbəb oldu. Bu isə Avropadakı situasiyanın destabilizasiyası üçün ciddi təkan idi. Beləliklə, Avropa başladılan hibrid müharibəsinin müşahidəçisi yox, həm də hədəfinə çevrildi. Avropa kifayət qədər böyük maliyyə resurslarını miqrasiya probleminin həllinə yönəltməyə məcbur edildi. Məqsəd təkcə diqqətin Ukrayna məsələsindən yayındırılması deyildi. Bundan əlavə, hazırlanmış və silahlandırılmış minlərlə terrorçunun Avropaya girməsi üçün unikal şərait yaradıldı".