İran Prezidenti İbrahim Rəisinin İndoneziyanın 12 xəstəxanasına tibbi ləvazimatlar və texnologiya vasitələri göndəriləcəyi ilə bağlı bəyanatı etirazlara səbəb olub.

Axar.az xəbər verir ki, iranlı tibb işçiləri acınacaqlı durumda olan İran xəstəxanalarından paylaşımlar edərək Rəisidən daxili xəstəxanalara da diqqət ayırmağı tələb ediblər.

Onlar paytaxt Tehrandakı "Rəsul Əkrəm", "İmam Xomeyni", “Lolagər”, “Torfə”, “Sina”, “Şühədayi Yaftabad”, “Buəli”, “Fəyyazbəxş” və başqa xəstəxanaların ibtidai tibbi imkanlardan məhrum olduğunu bildiriblər.

Qeyd edək ki, İran xəstəxanalarında avadanlıqların köhnəlməsi ilə yanaşı, son illərdə tibb işçilərinin, xüsusən də tibb bacılarının maaşlarının ödənilməməsi səhiyyə işçilərinin region ölkələrinə genişmiqyaslı miqrasiyasına səbəb olub.