Türkiyənin Zəfər Partiyasının Şanlıurfa və bu vilayətin Xəliliyə və Karakörpü mahal təşkilatlarında kütləvi istefalar olub.

Axar.az Teleqraf.com-a istinadən xəbər verir ki, istefa verən partiya üzvləri mayın 28-də keçiriləcək ikinci tur seçkilərində Cümhur İttifaqının namizədi, Prezident Rəcəb Tayyib Ərdoğanı dəstəkləmək qərarına gəliblər.

Kütləvi istefalarla bağlı açıqlama verən partiyanın Şanlıurfa təşkilatının sədri İbrahim Nəhya deyib:

“Ölkənin milli maraqlarını, milli bütövlüyünü nəzərə alaraq hazırkı prezidentimiz Rəcəb Tayyib Ərdoğanla Cümhur İttifaqına dəstək vermək qərarına gəldik. Buna görə də partiyamızdan ayrılırıq”.

Nəhya Zəfər Partiyasını böyük ümidlərlə qurduqlarını, amma onun öz hədəfindən yayındığını da söyləyib.

Qeyd edək ki, Zəfər Partiyasının sədri Ümid Özdağ ikinci turda Millət İttifaqının namizədi Kamal Kılıçdaroğlunu dəstəkləyəcəyini açıqlayıb.