Rusiya Ukraynanın əks-hücum əməliyyatı ilə bağlı gərginliyi artırır.

Axar.az xəbər verir ki, bunu ukraynalı hərbi ekspert Aleksandr Musienko ABŞ Prezidenti Co Baydenin Rusiyanın nüvə silahından istifadə edə biləcəyi ilə bağlı açıqlamasına münasibət bildirərkən deyib.

"ABŞ Prezidenti Co Bayden bu barədə danışırsa, bu, məhz Rusiya nüvə silahlarının Belarusa ötürülməsi və Zaporojye AES ilə bağlı risklərin artması ilə bağlıdır. Rusiya dəhşətli cinayət törətdikdən və Kaxovka SES-i partlatdıqdan sonra aydındır ki, onlar hazırda ikinci ssenariyə - nüvə silahı şantajına yenidən başlayacaqlar", - ekspert vurğulayıb.

Onun fikrincə, rusların belə addımlar ata biləcəyinə hazır olmaq lazımdır.