Ukraynada vuruşan gürcüstanlı könüllülər Saakaşvilini müdafiə edən video-müraciət yayıblar.

Axar.az xəbər verir ki, bunu öz Feysbuk səhifəsində ukraynalı fəal Tamar Şavladze paylaşıb. Gürcü könüllülər müraciətlərində Ukrayna Daxili İşlər naziri Arsen Avakovun bütün Gürcüstanı təhqir etdiyini bildiriblər:

"Siz Saakaşvilini təhqir etdiyinizə görə cavab verəcəksiniz. Sizin bizim haqqımızda danışmağa heç bir ixtiyarınız yoxdur. Siz gərək dediyiniz sözləri sübut edəsiniz. Bunu biz – gürcü partizanları deyirik. O partizanlar ki, qanı və silahı ilə Ukrayna torpaqlarında vuruşur".

Qeyd edək ki, bir müddət öncə Milli Reform Şurasında Ukrayna Daxili İşlər naziri Arsen Avakovla Odessa qubernatoru MixailSaakaşvili arasında mübahisə yaranıb. Mübahisə zamanı Avakov içində su olan stəkanı Saakaşvilinin üzərinə atıb və onu korrupsiyada günahlandırıb. Baş nazir Arseni Yaçenyuk isə iclas zamanı Saakaşvilidən ölkəni tərk etməsini tələb edib. Saakaşvili öz növbəsində Ukrayna Prezident Administrasiyasından iclasın görüntülərini yaymasını tələb edib.

Arsen Avakov milliyətcə ermənidir.