ABŞ-ın Cənubi Çin dənizində təxribatçı addımları bölgədəki situasiyanı çətinləşdirir.

Axar.az xəbər verir ki, bu barədə məlumatı Çin Müdafiə Nazirliyi yayıb.

Nazirlik bildirib ki, ABŞ davamlı olaraq Cənubi Çin dənizinə öz hərbi gəmilərini yerləşdirir:

"Bu, bölgədəki vəziyyəti gərginləşdirir. Onlar həmçinin Nanşa adasına da özlərinin strateji bombardmançılarını göndəriblər. Amerikanın bu addımı ciddi hərbi təxribatdır. Biz öz müstəqilliyimizi və maraqlarımızı qorumaqdan ötrü bütün lazımı addımları atacağıq".

Qeyd edək ki, dekabrın 10-da ABŞ-ın iki B-52 strateji bombardmançı təyyarəsi Çinin hava məkanını pozub.

Pekinin Spratli adalarını zəbt etməsi Cənubi Çin dənizi ətrafında yerləşən ölkələrin narazılığına səbəb olub. Strateji əhəmiyyətli bölgə olan Spratli adalarının Çinin əlinə keçməsinə qarşı çıxan ABŞ bura özünün patrul gəmilərini göndərib. Çin Xarici İşlər Nazirliyi isə Vaşinqtonun bu addımını təxribat adlandırıb.